Udan irakurri

Deskantsatzeko dira oporrak.
Eta ikasteko.
Eta gozatzeko.
Gozatzeko eta ikasteko.
Ikasten gozatzeko.
Gozatzen ikasteko.
Horregatik irakurtzen dugu oporretan. Irakurtzen dugunean gozatzen dugulako. Irakurtzen dugunean ikasten dugulako.

Hara hemen gozatzen lagunduko dizuten liburuak aukeratzeko helbide batzuk:

Jakintzako mediatekako azken-azkenak

8 urtetik gorakoentzat Galtzagorrik ekarrita

10 urtetik gorakoentzat Galtzagorrik ekarrita

HUHEZIko Haurren Irakur Gida

Izaki bizidunen ugalketa

Landareen ugalketa eta animalien ugalketari buruz ikasten jarraitzeko ikusi, entzun eta ekin

Landareen ugalketa

Animalien ugalketa

Uraren inguruan ikasten jarraitzeko

Uraren inguruan ikasten jarraitzeko

Udarako gau luzeak 

Ura, bizitzaren iturri

Gai berria hasi dugu Txanelan: uraren gaia. Eta uraren inguruan gehiago ikasteko materialen artean webgune honetan azaltzen diren informazioak eta materialak erabiliko ditugu:

https://sites.google.com/site/ebronbarrena/

Gaur, gainetik begiratzeaz gain, bertan azaltzen diren bideo batzuk begiratuko ditugu, gaian girotzeko.
 
Uraren zikloaz ikasteko klikatu hemen

Gaurko IKT saioa

Kaixo, 4.A-ko ikasle superlangileak! Sarrera hau apaintzeko munstro batzuen argazkia aukeratu dut.Ezetz asmatu nor diren!

Bueno, serio jarrita, gaurko infor saioa bi zatitan banatuko dugu:

Lehenengo zatian Inguruneko gaia errepasatuko dugu eta horretarako esteka hauetan klikatuko duzue, bertan dagoen informazioarekin ikasten joateko:

Hezurrak eta giharrak

Gure eskeletoa

Galdera-erantzunak 

Elikagaien piramidea 

Eta bigarren zatian bestelako zerbait

kalkulu ariketa arinak

teklatuarekin trebatzeko jolasa

Badakizue. Aurrekoan Celiak eta Garazik egin zuten bezala, erantzunaren bat idatzi nahi baduzue, hemen behean egin dezakezue. Baina izena idatzi, e?

Ondo pasa, guapok! 

Joko batzuk trebatzeko

Gaur ere joko batzuk egingo ditugu. Kalkuluan trebatzeko, ortografia lantzeko eta teklatuan erraztasuna hartzeko. Binaka jarrita, txandaka egitea komeni zaizue. Eta ez ahaztu proposatzen diren jarduera guztietatik pasa behar duzuela biek. Animo!

Buruzko kalkulua praktikatu

Ortografia gaztelania

20 lortu batuketan

Mekanografia pixka bat

Ergit saguzarren kobazuloan

Elhuyaren webgune berria

Elhuyar Zientzia eta Teknologia aldizkariak webgune berria estreinatu du eta bertan Elhuyar aldizkariaren papereko bertsioan jasotzen diren edukiak sarean daude, edonoren esku.

Elhuyar aldizkariaren papereko bertsioan jasotzen diren edukiak sarean daude webgune horretan, edonoren esku. Euskaraz sortu eta landutako edukiak aurkituko ditu han irakurleak. Hemengo zientzialari, ikerlari eta adituen ahotsak biltzen dira, eta euskal ikerketaren eta ikertzaileen berri jaso eta zabaltzen da. Gainera, irakurleak Euskal Herriko komunitate zientifikoa ezagutzeko aukera izango du.

Web 2.0 tresnak bilduta site batean

Web 2.0 tresnak hezkuntzarako prest sitea sortu dute Mondragon Unibertsitateko Lehen Hezkuntzan Graduko 2. mailako ikasleak eta irakasleek, IKTak hezkuntzan ikasgairako. Lan interesgarria da Web 2.0ko tresna asko eta anitz biltzen dituztelako eta bakoitzaren erabilera pedagogikoak proposatzen dituztelako. Horrela aurkezten dute sitearen sarreran:

"Taldeka egin dugu lan. Talde bakoitzak Web 2.0 tresna bat hautatu eta hari buruzko ondorengo puntuak landu ditugu:

• Sarrera
• Erabilera pedagogikoa(k)
• Idatzizko tutorialak eta bideotutorialak (euskaraz)
• Ondorioak

Gure lanaren emaitza guztiokin partekatu nahi dugu. Ez hori bakarrik, zuen ekarpenak jasotzeko gonbidapena ere luzatu nahi dizuegu. Beraz, norbaitek tresna hauen inguruan ekarpenen bat egin nahi badu edo gure bildumari beste erremintaren bat gehitu, ipini gurekin harremanetan, iruzkin bat utziz dagokion tresnaren orrian edo orri nagusi honetan"

Eskertzekoak dira horrelako ekimenak. Ahal badugu, egingo dizkiegu ekarpenak.

Etorkizuneko Web-a

Begiratu ondoko webguneak, proba itzazu, interaktiboak dira. Html5ean -Web-era iraultza ekarriko duen lengoaian- sortutako orriak. Teknologia merkea eta irekian eginak daude eta etorkizuneko Web-a omen dira. Hobeto ikusiko dituzu Chrome nabigatzailean:

http://www.ro.me/

The Wilderness Downtown

All is nost lost

Buru mapak

Mapa kontzeptualekin ibili naiz lanean, baina buru mapak beste zerbait dira. Banuen horretaz ikasteko gogoa eta oso ondo etorri zazkit Gipuzkoako Berrikuntzako eta Jakintzaren Departamenduak argitaratutako bideo tutorial hauek. Oso tresna interesgarria dira, dudarik gabe, eta merezi du denbora tarte bat hartzea nola egiten diren ikasteko.

Hara hemen esplikazioa, ikastaro moduan antolatuta: buru-mapak

Jakintsu bat zientzia era xumean kontatzen

Apirilaren erdialdean Pedro Miguel Etxenike fisikariak ZuZeuko blog bat jarri du martxan. Blogak Jakin baneki! du izena eta lehenengo sarreran dioen bezala, honetara dator:
"Kontua da noizean behin hementxe argitaratuko ditudala nire pentsamenduak, astean behin edo antzeko maiztasun batekin, zientzia eta teknologiak ekarri diguten garaipenaz aritzeko, batez ere".

Hamar egunez behin, gutxi gorabehera, idazten du eta oso interesgarria da, bai edukiagatik, bai euskara txukun eta ulergarrian egiten duelako.

Jakin baneki! bloga

Uste dut Lehen Hezkuntzako ikasleek ere ulertu ditzaketela gure zientzialari ospetsuak idazten dituenak eta ekintza polita iruditzen zait haren bloga jarraitzea. Gainera, kontuan izan behar dugu, bloga izanik, aukera izango genezakela iruzkinen bidez galderak egiteko edo harekin komunikatzeko. Hori luxua!

Non geratuko dira oraingo testu liburuak?

Ez dira hitz asko behar, harrigarria da bideo honetan erakusten dena. Izango al da horrela baita gure ikasleentzat ere?

Etxegiroan

Lehenago ezagutu nuen baina ahaztuta neukan, hainbeste webgune, hainbeste berri, hainbeste edukien artean... galtzea ere erraza dela.

Gaur berriz hara iritsi naiz. Atea ireki, sartu eta etxegiroan murgildu naiz gustura gosaldu ostean. Merezi du!

http://etxegiroan.com

 

Ikusiko dezue

100 tuit, borobil-borobil

Gaur nire ehun-tuit-muga da eta ia konturatu gabe gertatu da: txorakeri batzuk twitteresferara bota, twiter-lagunen gogoeta interesgarriak retwitteatu, lauzpabost alditan mokoa oker sartu, adarrez adar saltoka noraezean ibili eta eta txio-txioka jarraitu, hori nire jokaera naturala litzatekeelakoan. Markarekin harro nago.

Eta gure mundu honetan zifra borobilak goratu behar direnez, ospakizunak antolatu ditut. Hara hemen, festa programa:

eguerdian txupinazo alaia twitterzelaian txorrotxio bandarekin

ondoren, txikiteo herrikoia Wikipediako kaleetan barrena

arratsaldean pilota partida facebookeko horman gauean berbena Zuzeu albistari horizontalean

Orain, kontuan izanik hau guztia sare sozialetako ekimen bat dela, egokiena kideren bat/batzuk elkartzea litzateke. Hala beharko giza-harremanak beste edozer ez bezala bultzatzen dituzten sareetan. Beraz, gaueko berbenan baten bat dantzatzeko? baltsean ez bada, dantza sueltoan sikiera?

Gure konpetentzia digitalak

Bi hilabete pasa dira, konpetentzia digitala neurtzeko galdeketa publikatu eta ondorioak jakin araziko nizkizuela idatzi nuenetik. Erantzun kopuruak zaildu egin du emaitza argitara ekartzea. Baina agindua zor, hemen daukazue.

Galderak honako hauek izan ziren: Orokorrean nola aritzen zara gusturago, naturalean edo tresna elektronikoa erabiliz? Zenbat ordu eskaintzen diozu astean lan digitalari? Zenbat urte daramazu teknika digitalekin? Zenbat hatz erabiltzen dituzu? Gaiari dagokionez, nola ikusten duzu zure burua? Zer egin nahi zenuke gehiago ikasteko? Eta azkena, norberak erantsi edo iradoki nahi zuena. Ikusi nahi duenarentzat, hemen.

Parte hartzaileen adinak 19 urtetik 54ra doaz, baina gehiengoa 25-35 tartean dago.

Sexu banaketan, gehiengo handia gizonezkoak dira eta % 37a emakumezkoak, nahiz eta zaila den jakitea Doraemon, JMU, Hegazti hegalaria, Hatztrebe Maribero edo Gaztelugatxeko Doniene gizonezko edo emakumezkoak diren. Baina esan dezakegu trebetasuna berdintsu banatuta dagoela bi sexu artean. Diferentzia handiena batzuk eta besteek teknika digitalak hobeto ikasteko aukeratu duten bidean sumatu dugu, askoz gizonezko gehiago daudelako taldean praktikatu nahi dutenak emakume baino, azken horiek irakasle on bat izatea hobesten dute eta. Baina horren harira esan behar da emakumeak direla gehiago ikasteko beharrik ez duten gehienak.

Galdeketa lagin gisara hartuta, esan daiteke ere euskaldun gehienak hatz guztiak edo gehienak erabiltzen dituztela beren lan digitaletan eta jakite horrek pozez betetzen gaitu, maila handi horrek seguruenik atsegin handia dakarrelako berarekin. Gai horretan, gainera, ez dago gizonezko eta emakumezkoen artean diferentzia nabarmenik. Atsegin handia eman digu jakiteak populazio talde zabala trebe sentitzen dela digital kontuekiko eta beste batzuk oso trebe, bi multzo horien artean parte hartzaileen erdia osatzen dutelarik. Eta horiei eransten badizkiegu nahiko trebe sentitzen direnak, aurreratu dezakegu erakuskari estatistikoaren %70ak hatz kontutan trebetasun galanta adierazten duela. Hori azpimarratzekoa da, dudarik gabe.

Aipatzekoa deritzogu ere azkeneko galderaren erantzunen artean ekarpen baliotsuak izan ditugula. Horien artean hau ekarri nahi dugu: "Nik teknika digitalak ez ditut beti bakarrik erabiltzen, batzuetan bikotean ere bai, (hortik gora sekula ez) eta 4. eta 5. erantzuna bakarka aritzen naizenerako dira, taldean egiten badut 4. galderan "hatz gehienak" jarri beharko nuke eta 5.ean "moldatzen naiz" baino gehiago ezingo nuke jarri bikotekideari galdetu gabe. Ala nik ulertu dut gaizki?!"

Anekdota gisara esango nuke erantzun dutenen artean badaudela Euskal Herriko komunikabideetako ospe handiko lagunak, baina ez ditut hemen izenak azalduko eta ez dizuet ere esango zenbat hatz erabiltzen dituzten beren zeregin digitaletan.

Eta bukatzeko, hara hemen beste partaide baten amaierako aipua:

Konpetentzi Digital Libre batzuen alde! ;)

Buruzko kalkulua lantzearen abantailak

Eragiketa matematikoak arkatza eta paperik gabe egitea oso era egokia da kontzentrazioa eta arreta garatzeko. Hara hemen jarduera batzuk (gaztelaniaz daude, baina ia testurik gabekoak dira)

Matematikazko lasterketak

Buruzko kalkulua LHrako

Landetxe matematikoa

Velilla eta Matenabea

Mekanografian trebatu vedoquerekin

Eta Clic-eko beste hau:

Gaitasun digitala neurtzeko galdekizuna

Arrakasta handia izan du "konpetentzia digitala" neurtzeko galdekizuna; irakurle asko animatu dira eta erantzun dituzte 6 galdera laburrak. Batzuk luze adierazteko ausardia ere izan dute 7. galderan. Denei mila esker.

Ondorioak ateratzeko egun batzuk beharko dira, baina ez zarete geratuko emaitzak jakin gabe.

Neurtu zure gaitasun digitala

Urte batzuk dira Informazio eta Komunikazio Teknologietan (IKTetan alegia) trebatzen ari garela. Euskal Herriko irakasleontat sigla magikoak dira. Garrantzitsua den guztia IKTetatik pasa behar da. IKTekin zerikusia duen proiektu bat baldin baduzu, zorienekoa zu, egunean zaude. Ordenagailuarekin jai duzula onartzen baduzu, akabo: zureak egin du. Hezkuntza Departamentuan oihartzuna nahi baduzu, konpetentzia digitalak menperatu behar dituzu.

Horregatik ni oso lasai nago. Maisu-maistren kidegoaren parte izanik, talde horretan beteranoetakoa izan arren gaitasuna ederki garatu dut. Beraz ez didate behar baino lehenago erretiroa emango. Lanean jarraituko dut ahal den denbora gehien.

Eta zu, gazte zein zahar, irakasle zein kazetari, mediku zein erizain, saltzaile zein teknikari, laborari zein ingeniari... langile zaren hori, nola daude zure abilidade digitalak? Denon artean Euskal Herri bizi eta zoriontsu bat nahi badugu, garrantzitsua da horretan trebatzea. Ezingo gara krisi honetatik atera ez badugu zaintzen oinarrizkoa dena.

Horretarako inkesta hau proposatzen dizuet. Galdekizunari jator erantzuten badiozue, jakingo dugu noraino iritsi gaitezkeen.

Neurtu itzazu zure konpetentzia digitalak hemen klikatuz. Gure herriaren etorkizuna zure eskutan dago. Prest zaude behar duen giroa martxan jartzeko?

OHARRA: Galdekizunaren emaitzak argitaratuko dira

Graffitiak egin sarean

Hau ere gustatzen zaigu, matematika haina, eta zer esanik ez, ikasleei!!

Brooklynmuseumekin graffitiak egin

Virtual graffiti